Pessamen ai e Cossir 歌词

Pessamen ai e cossir D'una chanso faire Qu'a lieys denhes abelhir Cuy suy fis amaire E s'ieu pogues avenir En bos digz retraire Far pogra saber Que ieu plus fin joy esper Que nuls natz de mayre Lo cors e·l sen e l'albir Ai mes e·l vejaire En lieys honrar e servir Quar es la belhaire Qu'om pogues el mon chauzir Don no·m puesc estraire Ni mon cor mover Qu'Amors me fai tan temer Lieys qu'als non am guaire La fina vera valors Plus d'autra valensa E·l pretz, e·l fresca colors Me platz e m'agensa Que si me valgues Amors Tan que m'entendensa Mi dons abelhis Plus ric joy que Paradis Agr' a ma parvensa Si merces e pietatz E franca natura M'aidon, e·l sieus bos tratz Ses tota mezura Ben er mos cors restauratz De sa gran tristura Qu'en lieys ai ma fe E ja no m'en partiré Per nulh'autra cura Ges per greu afan sofrir Ni per maltraire No la vueilh ja deserir Ni de lieys retraire Ans la vuelh tostemps seguir Ab cor ver e gaire Tro m'aja merce Qu'ieu no sai plus dous merce Que son belh esguard faire