Che áma jukýpe 歌词

Kapi'i pytãme atechapaitéma I-lance jováiva oga'i porã Ha kurupa'ýpe amongorapáma Ipype, che áma, rogueruhag̃ua Ysyry ypýpe ku Piribebúipe Oñe'ê asyhápe ku korochire Tape yketére, ñu rembe'yetépe Ajapo la óga nemba'erãite Che korasõitégui rohayhu porãgui Che rekove jára, che áma juky Chemba'erãmínte neaño roipotágui Ajúma ndepiári, ¡Jaha, che reindy! Guaviju, granada, piña, mandarina Arasa, naranja, parral, guavira Pakova de oro, aguai ha lima Ko'ãvako hína la ñande yva Ñande kogatýpe jareko avei Manduvi, avati, jety, mandi'o Kumanda, havílla, kurapepê'i Ha he'ê asýva sandia ha merõ Umi gallokuéra osapukaipávo Ko'êju sakãvo ñapu'ãva'erã Hóka ha hovéra nde reñaminguévo Che ajatapýne jakay'uhag̃ua Ijeguakapáva kyha inimbópe Yvapovõguýpe asajepyte Romokunu'ûvo che po mokõivépe Romyatimoimíne mbeguekatuete Ka'arupytûvo chemba'apohágui Ajerevove, nde, che rembiayhu Okára potîme kapi'ipe ári Ñasêne mitãicha ñañombojaru Kapi'i pytãme atechapaitéma I-lance jováiva oga'i porã Ha kurupa'ýpe amongorapáma Ipype, che áma, rogueruhag̃ua