De Vaaier Joargetieden 歌词

Veurjoar, toene snuit Bloumen dij stoan in knop t Hoes dat is ook haildal vaarfd En genotter ik volop Klok gaait n uur in t veuren Wie hebben zummertied Schoapen dij loppen mit heur jonk Te waaiden op uterdiek Zummer, blaauwe lucht Vekaanzie staait veur deur Heumennen dommit achter rug De toen ain bonte kleur t Roapzoad staait in volle blui t Gruit op beste grond Stiltjes zwemmen in graacht Bie borg "Verhildersum" Haarst, doagen begunnen te korten Vroug donker weer op stroat Klok gaait weer n uur terug t Is zo gaauw weer loat t Regent laankwieleg, t holdt nait op Mor t laand dat lust wel wat De zummer dij was ja zo dreug Wie hebben ja nog niks had Winter, stampot mous Snijkerel van formoat De daaiern dij stoan weer op staal En t is glad op stroat Veul feestdoagen in decembermoand Nijjoar duurt nait meer laank Heb nog evenpies geduld t Veurjoar komt ter aan Veurjoar, toene snuit Bloumen dij stoan in knop