'A Canzone 'E Tonino کے بول

Tonino m'aspettava 'ncopp''a lambretta rossa 'na sigaretta le pazziava 'ncopp''o musso. E fuievemo 'nzieme a cercà jurnate nove e lassà 'o niente ca ce steva addò sta ancora. Tonino nun sapeva ca sott'a faccia eramo nire e quanno m'abbracciava teneva 'e braccia sincere. Tonino faticava, nun era stato maie creaturo e nun parlava maie d'ammore cu nisciuno. 'Nu juorno se 'ncantaie 'nnanz na vocca 'e fuoco, fuie chello fuoco c'ho stutaie a poco a poco. Tonino se beveva ogni buscia ca senteva, quanno perdeva 'o core se squagliava comm'a neve. E cantava cu mme na canzone d'ammore pe saglì e poi cadè pe tuccà l'illusione nun vuleva sapè cherè 'o tuorto o 'a ragione cancellava 'e pecchè e ce scriveva passione. Tonino se spusaie sotto 'na pioggia 'e ciure, dicette sì a chi se l'aveva già vennuto. E quanno se truvaie 'nnanz 'e parole cchiù scure pigliaie 'o curaggio e se vuttaie 'ncuoll''a paura. Tonino nun sapeva (nun 'o sapeva) ca vita soia era breve, guardava cchiù luntano vedeva 'o sole pure 'a sera. E cantava cu mme na canzone d'ammore pe fuì e poi cadè pe tuccà l'illusione nun vuleva sapè cherè 'o tuorto o 'a ragione cancellava 'e pecchè e ce scriveva passione.