گیت کے بول کے نقاط
HTاصل بول
ترجمہ ابھی دستیاب نہیں۔ اصل بول دکھائے جا رہے ہیں۔
Chak fwa vag la vle pote m ale, m back nan sous la
M pa janm pran tèt mwen pou star jis paske m tap woule sou sky
Menm pi fon nan mizè a m pa t janm vann valè m
M te toujou ret fidèl ak konviksyon m toujou rape ak kè m
Pa panse pou jije m, li sifi w kèk mòso
Tèt mwen pa t janm pran van, m konnen byen tout tan ou pi wo ou pran pi gwo so
M ret chèf plim mwen, menm douvan mòpyon
Fuck kouwòn, menm sa kap diw li Wa pou endistri a son pyon
Mwen m hip hop depi epòk sakap fèt bagay dwòl
Sak te pran karyè m pou blag, premye sèn mwen te Kasayòl
Si w vle glwa a, pran l, dayè se pa pou sa m t ap rap
Mwen m wè karyè ki pi long k on foto Snapchat
Pa vin pale m de siksè, telechajman yo pa plen bòl mwen
San kontra, san sponsor, m anonse albòm mwen
Medya pa t janm ansanse m
E si karyè m ret an vi jiskaprezan se gras ak Filip Mon Sensei
Anyen pa chanje, e chak fwa yo di D-Fi saw regle?
M ap chanje kouchèt, men se toujou menm kaka yo
Douzan depi m ap rape lari, depi m ap rape lavi m
Mwen tou m konn anvi gen bèl tenis, anvi woule machin
Men m ret kwè gen bagay ki pi enpòtan
Anplis nan sèkèy la yo p ap si vès mwen an son Yvess Saint-Laurent
M vle reponn lè yo mande m a kisa w itil pandan n ap peri
M blije fè chwa ant kite peyi m mache e mache pou peyi m
Vwa m gen doulè tout on geto
Yo di m m ap mouri pòv mwen m di yo m ap mouri diy, m pa regrèt yo
M fè pati atis yo bay pote non fou yo
Mizik mwen pa soutni sa k ap woule machin men sa machin woule sou yo
Depi w kanpe kont enjistis ou kanpe kote m
Tan pou m la byen lèd, mpito mouri an bote
Majinal, paske m chwazi viv lib
San label, san pwomotè, e si m te rive fè on konsè se paske m gen on piblik
