Mburicaó lyrics

¡Ajépa iporã, Mburicaó, ko nde purahéi Ahendúvo osyry mba'e porãita pa'ûme! Guyraita ñe'ê ndererohory Sauce rakã puku puku ojero'áva nde ári Amambái, culantrillo ha 'elechoita Yvytu peju kangymíme oñemyatymóivo Oñakaityrõguáicha nemomaitei Yvoty ka’aguy neañuã Arroyo piro'ysã porã Ita ygáu ha yvyku’i morotî ári Resyry ñeno pytu'úvo rehóvo Ka’aguy ryakuãvurei pa'ûme ¿Mávapa ndéicha, Mburicao Ko yvy apére oikóva otyryry? Akói, arroyo porã resyry kangymíva, chemomandu'a Ajárõ guare nde ypýpe romokunu'û kirirîhapemi Ita sarambi apytégui arokañynguévo ko nde purahéi Nahi'ãiva'ekue chéve chemopirîmbávo rohendu jave ¡Mburicaó! Reguerokañyva’ekue kuehe che vy’a’ỹ ¡Mburicaó! Reroñapymiva'ekue che ãngarasy tyaipa Mba'e iponderapýva ñaña ndoikuaávai, mboriahu ysyry Ndéveko péina apagáta chembo’ehaguére ko nde purahéi ¿Ajéipo oiméne otro ndéicha ko yvy apére oikóva otyryry? Ipúpe nanembojojái mbói chini, ni ama, ni campana porã ¡Mburicaó!