Kuñataî (feat. Los Hermanos Acuña) lyrics

Eguapýna, che reindy Sapy'aite rehendu Peteî ñe'êngatu Ndéve g̃uarã herupy Che ãngape otyky Eirete añandu porã Che vy'a'ỹko ojora Nde reko, che tupãsy Pe ne ryakuã pacholi Ha nde rete ñembo'y Hendápe nardo poty Oguahêvo ko'êtî Nde resa hû omimbi Azabache ha'ete Nde tyvyta iñapopê Tupãsy kuñataî Nde pýgui ne akãmeve Hi'ãnte aropurahéi Ha añe'ê ndaikatuvéi Pe tavy tuichágui aje Reínte amomorãse Ne ñe'ê ha nde puka Apytáma che kangypa Ama'êgui nderehe Pajépa, che reindymi Nde ropeami angaipa Ajevérõ ã che resa Ndaipe'avéi ndehegui Ajéipo nde jurumi Aha'ãramo katu Apytáne cheñe'êngu Vy'águi, kuñataî Nde ávami ha'ete Rosa ty poty jera Ha granada aju pytã Upeichaite ne rembe Ha rosa morotîete Mosqueta-pe ikuaapy Upeichaite, che reindy Iporã nde rekove Ne akã ári kambuchi Toñuã arasa poty Ha ykua rapére eguejy Nde guata koni koni Nde juru guavirami Opukavy tahecha Ha ipurahéipe guyra Tandeaty, kuñataî