Lyrics coordinates
ISOriginal lyrics
Translation not available yet. Showing the original lyrics.
Emk hraðkvæðr
Hilmi at mæra
En glapmáll
Of gløggvinga
Opinspjallr
Of jǫfurs dôðum
En þagmælskr
Of þjóðlygi
Skaupi gnœgðr
Skrǫkberǫndum
Emk vilkvæðr
Of vini mína
Sótt hefk mǫrg
Mildinga sjǫt
Með grunlaust
Grepps of œði
Gekk maðr engr
At Engla hersis
Ór legvers
Lǫngum knerri
Háði leiddr
Né heiptkviðum
Með atgeirs
Auðar toptir
Hinn's fégrimmr
Es í Fjǫrðum býr
Sá's of-dolgr
Draupnis niðja
Sǫkunautr
Of sona hvinna
Hringum hættr
Hoddvegandi
