Pitogue juru my'ỹi lyrics

Pitogue juru my'ỹi Kirirî ndereikuaáiva Vy'a remombe'uségui Katuete reporoatoî Ichuguínte erehaguére Che nambi ika'apáva Ha opytáva nderehénte Katui oñeko'õi Ku oimérõ sapy'ánte Ndehegui oñemiséva Kunu'û rakykuere Ndoipotáigui ojekuaa Reieténingo he'íta Pitogue ndacherecháiva Ág̃ante rejuva'erã Nde raê remyerakuã Aniangátei rejuhu Ramoite oikomarãva Nde jeýmane reho Hatãngue remombe'u Che reindýko ndeheguínte Rasaite ojepicháva Pe hi'ári nde rejúgui Yvate guive ndeayvu Pitogue akãhata Mba'e ñemi mombe'uhára Nderehe che kichîhára Ni rei noma'êséi Eikóre nekachiãigui Mitã'i nde apiykáva Ohendúrõ hekohápe Reguejy repurahéi Leg̃uaikuéra iraríva Ijypýrupi rejúrõ Inambipu'ã mantéma Imembýre opyta Ndékatu ku vy'apópe Reveve ha ehasávo Ichuguínte, ichuguínte Pitogue rehenduyka Pitogue juru my'ỹi Kuñataî mbopochyhára Ndehegui ku nokañýire Mamove mba'evete Nendivéramo ndaipóri Tembiapo oiko ñemíva Nde juru omombe'úgui Roikuaapáma oreave