Eransa Di Manduku lyrics

Olé brasu di férru, olé petu di bronze A! Xavier di Sidália, di forsa i di koráxe Balenti ten se fama, grandiozu ten subérba Tudu fidju parida dja kre ten se gulória Tonton di nho Fidel, furtuna ki da-l nómi Nho Fransisku di Arkanja, trabadju ki da-l ónra Olé olé olé, lelé Olé olé olé, lelá Ka ten béntu sen ténpu Ka ten fumu sen braza Ka ten noti sen dia Mudjer ka ten so feia Dja N kre odja mulata di Santa Filuména Pa N fra-l ma arka bédju ka ta farta barata N subi na Monti Grandi, N pasa na Monti Largu N txiga na Txada Furna na pe di nha kretxeu El da-m baxinha berdi di txon di stansia Róki Ku rakexon di kabra di pastor di Monti Grandi Olé olé olé, lelé Olé olé olé, lelá N striba noti manxê, nha kodê ka dixa-m Kel ki N pidi, el ka da-m Ten, ten, ka ten, ka ten Sin gó ki e própi zanga, ma fórti poku sórti Na ka Nhonho di Dónu, N ta kaba ku maróska N ta ba ka Dotorin pa ba fazê-m tarladu Pa N korta tudu mal ku anzol di bruxaria O, nha madrinha lua, nha torna da-m benson Sima nha ba, nha xa-m, nha ben, nha torna atxa-m Olé olé olé, lelé Olé olé olé, lelá Sima nho Digudjadu, laskadu i ralaxadu Ki nanse ta rasmunga, ki morê ta kramuxa É mi k'é rei di mundu ki ben pa simentera Na Piku o na Musteru, N ka fartadu ruspetu É mi ki é Djarfogeru na sangi i na tutanu Eránsa di Manduku, di nho Pedru Kardos Olé olé olé, lelé Olé olé olé, lelá