Neñañágui, che yvoty lyrics

¿Mba'énipo, che yvoty Ojehu ndéve ko'ág̃a? ¿Oiménepa ko yvy ári Iñañáva ndeichaite? Oînte rehayhuvéva Ajeve ra'e, che áma Che ñe'ê ndereroviái Che ñe'ênte remboyke Ahátante aheka Mborayhu tetã ambuére Si ndéningo péina ág̃a Nderesarái chehegui Jepeve ku rohecha Che rekoviare poitére Che py'ápente arekóne Upe ne ñe'ênguemi Marãve voi ndoikói Chendive neñañaháre Ág̃ante nemandu'áne Ne añomi reime jave Ipohýiva vy'a'ỹ Oguapýne nde py'áre Ñemimínte ku eréne Cherayhúko raka'e Ku mitãichami aiko Pukavy, tory pa'ûme Ha opaite ára nde ypýpe Ajuhúmi piro'y Che jurúgui purahéi Hokypúmi nde apysápe Naimo'ãintemi va'ekue Péicha neaña, che yvoty ¿Nderesaráipa, che áma Ne ñe'êngue porãitégui? Ñaimérõ guare ojoykére Joavi'ûpe nde ha che Ha chémi romoñe'ê Rohayhu porã asyetégui Ha rejúvanga ko'ãicha Rejapo ág̃a cherehe Ahátante mombyry Rohechave'ỹ hag̃uame Erekónte kunu'ûme Rehayhu porãva nde Mandu'arãmi nde réra Añongatúma che akãme Ajatývo purahéipe Amano ára peve