가사 좌표
CA원문 가사
번역이 아직 없습니다. 원문 가사를 표시합니다.
De la salamandra :
Salamandra viu de pur foc
E de son pel fa om un drap
Que foc no-l pot cremar
De la vibra :
La vibra quan ve ome nut ela non
L'auza regardar ;
E quan lo ve vestit
Sauta li dessus
Del Argus :
Argus es oms que a cen olhs,
E dorm dos en dos olhs
Et enaissi velha tostemps
Del unicorn :
Unicorn es la plus salvatia bestia qui sia,
Que non es res que l'auzes esperar,
Ab un corn que a sul cap ;
Et a tan gran plazer de flairor de piuzlelat
Et de verginitat, que, quan los cassadors
Lo volon penre, els li meton el pas una piuzela ;
E quan la ve, el s'adorm e sa fauda
Et adoncs es pres.
De la serena :
La serena canta doussamen
Que tot om que l'auja ven vas lui,
E non pot estar que no s'adorma
Et quant es endormit ela-l met mort.
