Amuri e dinaru 가사

Lu cchiú gran regulaturi Di la vita é lu dinaru Tuttu conza senza amuri Comu colla di scarparu 'Na picciotta, s'havi lordi Li só carti e la só vita Bbasta ch' ávi terri e sordi E nta nénti si marita Ma l'amuri non s'accatta Non si presta e non si vinni Ogni matri nni lu duna Cu lu latti di li minni Fa miraculi l'amuri Lu miraculu cchiú veru Chi camina supra 'a terra E li mani l'havi in célu! Si qualcunu havi li corna Cu li petri di brillanti Si li godi, 'un si frastorna Fa l'aricchi di mercanti Ca li corna 'un su palichi Dintra ll'occhi e mancu spini Cci piacevanu all'antichi Nni facevanu amorini Lu dinaru japri breccia Metti in vucca lu bavagghiu Quandu tira la só freccia Trasi a centru di bersagghiu Lu dinaru non é vistu E l'avemu nta lu sangu L'adoramu comu a Cristu E stricamu ntra lu fangu