Nun Ce Putimme Lassà 가사

Colpa mia... colpa toia... colpa 'e nisciuno, stu mumento sbagliato è fernuto e nun me dicere cchiù niente, riest'accussì senza parlà ca si cchiù bella 'int'a stu viento cu ll'uocchie 'nfuse 'e na perdente c'ha perzo 'o core pe' sunnà. Nun ce putimme lassà nun ce putimme lassà c'aspetta ancora tantu tiempo, nun 'a fernì st'eternità, quanno staie male e astregne 'e diente dopp'è cchiù facile a cagnà. Colpa mia... colpa toia... colpa 'e nisciuno, si st'ammore ha sbandato e è caduto ma nun'o può lassà cca''nterra, 'a gelusia fall'aspettà, si ce ha ferito stu mumento se po turnà cchiù forte 'e primme si vuò putimme accumencià. Nun ce putimme lassà nun ce putimme lassà nuie appartenimme a st'immenso, l'ammore è 'o mare ca ce sta, si nun ce stess'o cielo e 'a terra 'a vita nun tenesse età. Nun ce putimme lassà nun ce putimme lassà nuie simme troppo 'e nuie sule, che n'aggia fà 'sta libertà, io dopp'a te veco a te sola io song 'e prete e tu 'a città.