Eureka 가사

Cu m'ava'ddiri a mia ca lu mumentu giustu Pi canciari tuttu era appoi giustu giustu Lu stissu mumentu? Biniritti e santi Scanciu ri jiri arreri minni jeva avanti Babbiannu babbiannu aveva sittant'anni Jisannu tuttu 'u munnu, accapputtannu navi 'Mpotturu ddu' anni 'i barbaru duluri Cunnutu, malacanni, Mèricu trarituri Pattennu fora tempu, addumài 'stu muturi Dumilettriccent'anni, scanciu ri trentott'uri Uora cill'hai 'nsignari a affunnari 'sti giganti R"o munnu 'i cchiù putenti junciuti a villiggiari Doppu ri tantu dannu ci vinni la pinsata Puttari a 'sta latata lu so lurdu cumannu E vinniru 'i crocieri, fumeri a scarricari Ancora l'hanu a vvidiri cu era 'stu 'ncigneri Ca all'aria 'i fa satari, nun sanu chi succedi È bberu quantu è bberu ca mi chiamu Archimedi Pattennu fora tempu, addumài stu muturi Dumilettriccent'anni, scanciu ri trentott'uri Invasura ammenz"e peri li facemu scimuniri Macari chisti sutta е peri (ancora no) Invasura ammenz"e pеri li facemu scimuniri Macari chisti, tutti pari, accuminciunu a 'bballari Si n'avanzunu muluna n'i manciamu a muzzicuna Si ni ciusciunu 'i trummitti, carricamu li scupetti Quannu t'anquieta la musca, quanti tumbulati 'usca Mori sulu 'u generali, mancu 'u ceccunu o 'spitali Quannu scoppia Benjaminu stuppa 'na buttigghia 'i vinu Pigghia a focu Leonardu, focu abbrucia cauru e beddu Fussi bonu, fussi megghiu, ca nun fanu n'auttru abbeggu Amunì, fozza e curaggiu, sata all'aria lu villaggiu Cinn'è quattru scafazzati, li vacanzi ammarrunati Cinn'è quattru ammaccateddi, scoppia 'a lapa ch"e cuteddi Sciù-sciù-sciù-sciù, quanti pillirini ci su Sciù-sciù-sciù-sciù, avvampa 'a navi e nuncinn'è cchiù Sciù-sciù-sciù-sciù, quanti pillirini ci su Sciù-sciù-sciù-sciù, avvampa 'a navi e nuncinn'è cchiù (okay)