Iawaramoi 歌詞

Buama stehts z'samm im Kroas i sag enk wos i woas zünd's enk a Pfeiferl an der's raucha kann In der Zeitung do kannst lesen wos is gwesen aber obs wahr is, is net gwiss, weil liagn tuat heit jo sowieso a jeder, und der was net liagt des is der allerbläder. A Bua bringt sein Vatern um und a sei Mutter, und a Schwester de dawürigt grad ihr'n Bruder, Serben und Krawatn schiassen a schon wieder, i moan i halt des nimmer aus i sauf mi nieder. In an Beisel zett da Heider wie a Pfarrer, auf de Obizahrer und de Schwarzfahrer, Kommunisten und de ganze Packlrass, der sagt eanas eini des is klass. Derweil er so schen schimpft der ex-goiserer, sterbn tausend Leut' drunt in Afrika, aber mia hab'n zum Fressen und zum Saufen gnua, schaun ma daß so bleibt und drahn ma d'Hüttn zua. Iawaramoi geht oana auf und sagt jetzt scheiß i drauf, jetzt hab i gnua, i wüll mei Ruah; und iawaramoi da nimmt er dann sei gwehr und sagt zu wem: Geh her du Depp, i blos di aus de Schuah! Iawaramoi da fliegt a Bomben von der rechten Seiten, des san Zeiten alle streiten iawaramoi do fragt mi dann mei bua: He Vater sog mer nur wer san die Bled'n wer die Gscheit'n? Ob Krawatn oder Serbn, alle müaßen sterben. Ob Serb oder Krawat, um an jeden is schad.