Coordinate del testo
DETesto originale
Traduzione non ancora disponibile. Mostriamo il testo originale.
dr vater vo myr mueter
fueteret d schwän
am ufer vom see
& dä gseht uus
wie flüssigs blei
dr himmel zieht sech zäme
& d fischerboot
chöme a d länti zrügg
& zeiche schtöh uf schturm
scho syt schtunde
zeus & blitz & hagu & donner
mir hocke uf dr loube
är verzellt mir vom chrieg
& spiele domino
dr vater vo myr mueter
louft vo grab zu grab
uf däm friedhof
wo gross & grösser wird
syni wäut gheit zäme
& schmilzt
het i sym nastuech platz
är tränkt se hemmigslos
mit rotz & wasser
zeus & blitz & hagu & donner
mir hocke uf dr loube
är verzellt mir vom chrieg
& spiele domino
