Testo di Tujami

Che guatahágui ajúvo peteî pyharevépe Che ruguaitî pokokáre ko tuja ryryipami Che rechárehe voi oguapy pe tape yképe Ajuhu ko karai ñaimo'âva guyratî «Buenos días» ha'e chupe pe hendápe añembojávo Che sombrero aipe'ávo ag̃uahê aipojopy «Buen día hína che ra'y», he'i chéve opu'âvo Ha che pórehe ipojáivo hetyma ñesû jey «Aichejáranga», avei ha' e che mbeguemi che py'apýpe Ahecháre ko karai eterei anga ikane'ô Ha ijykérema aguapy laurelmi jero'a guýpe Ha añandúko iñe'ê oitypeka che korasô Ha mba'éichantemo asêma peteî ñeporandúpe Ha ha'e péicha ichupe: «Loperépa nde, che ru? » «Sí, señor» ocontestá iñe'ê marangatúpe «Ha heta ave umi kambáre media luna aiporu» «Chéko hína, che ra'y, veterano del Setenta Upe guerra ramo che veinte año' aroguata Orehegui oiko va'ekue upe Batallón Cuarenta Pe caballería lancero tembiguái kyhyjeha «¿Ha upérôpa, nde, che ru, hetami la ñande kuéra? » «Mamópiko che ra'y: Cinco mílrente roime Aliado veinte mil en columna henyhêva Ku tukúicha ojo'ári ha opytáva hendague» «Ko'êtî soro guive jahecháma pe hysýiva Aipo Escuadra brasilera ñande ýrehe ohuã'i Ha upéramo ñane trompa Sargento Cándido Silva Icornétape ombopu “Camiseta pytã'i”» «Ñaimo'ãnte aipo juicio oitypátava upe ára Ha pe píña ha metralla amandáuicha okukúi Camiséta pytã'i ndoikuaáiri aichejára Ha upévo ore artilleria mbovymi ndopytu'úi» «¿Ha ko'ág̃apa, nde, che ru, mamoite reho reína? » «Karaikuéra rendápe Paraguaype sapy'a Ag̃uahêrõnte ag̃uahêne, namombyryvéima hína Pytu'u tu'úpe aháta, chekangýko, ne mitã» «Ha nei mante, che ru: Ne ñe'ê opyta che akãme Hetaite mba'e porã nde jurúgui ahendu Ha nde avei rejuhu ochenta y seis añohápe Nde loá va'erã oimehápe peteî mitã pyahu»