Coordonnées des paroles
FRParoles originales
Quan vey la lauzeta mover
De joy sas alas contral rai,
Que s'oblida es laissa cazer
Per la doussor qual cor li vai:
Ai! tan grans enveya m'en ve
De cui qu'eu veya jauzion!
Meravilh as I quar des se
Lo cor de dezirier nom fon.
Ai, las! Tan cuidava saber
D'amor, e tan petit en sai,
Car eu d'mar nom posc tener
Celeis don ja pro non aurai
Tout m'a mo cor, e tout m'a me
E se mezeis e tot lo mon,
E can sem tolc nom laisset re
Mas dezirer e cor volon.
Anc non agui de me poder
Ni no fui meus de l'or en sai
Quem laisset en sos olhs vezer
En un miralh que mout me plai.
Miralhs, pus me mirei en te,
M'an mort li sospir de preon,
C'aissim perdei com perdet se
Lo bels Narcisus en la fon.
De las domnas me dezesper,
Jamais en lor nom fiarai,
C'aissi com las solh chaptener,
Enaissai las deschaptenrai.
Pois vei c'una pro no m'en te
Bas leis qu'em destrui em cofon,
Totas las dopte las mescre,
Car be sai c'atretals se son.
D'aisso's fa be femna parer
Ma domna, per qu'elh o retrai
(Car no vol so c'om voler,
E so c'om le deveda, fai.)
