Paroles de Varca Napulitana

Oje mare ca vase 'a banchina, Addó', attaccato, ce sta Na varca cu 'a vela latina... Tu sempe mm'hê 'ntiso 'e cantá... E invece mo, tutt'è cagnato: È ll'ultima notte pe' me... Varca napulitana, Sola tu si' fedele e over'è!... Chella 'nfama è felice luntana: Tu stanotte te pierde cu me! Oje varca mia bella, na vota Tu cònnola fuste, mo no... Stu munno se cagna...è na rota: Pe' me lietto 'e morte si tu! Ma no, nun teng'odio...e perdono A chi mme cundanna a murí... Varca napulitana, Sola tu si' fedele e over'è!... Chella 'nfama è felice luntana: Tu stanotte te pierde cu me! Attuorno è silenzio e mistero... E napule veco 'e durmí... Nun pare a me stesso, ma è overo Ca ll'alba nn'arrivo a vedé... Na varca sperduta, sbattuta, Dimane, po mare, starrá... Varca napulitana, Sola tu si' fedele e over'è!... Chella 'nfama è felice luntana: Tu stanotte te pierde cu me! Tu stanotte te pierde cu me!