Paroles de Sciummo

Tu scinne, sciummo, sciummo, sciummo, da 'a muntagna. Io scénno, ca na mala sorte mm'accumpagna. E ghiammo, ohé! Ll'ammore è sciummo ca se perde a mare. Tu cante: "Tòcche, tòcche, tòcche, spaccalegna". 'A saccio, nun ce sta na vócca cchiù sanguégna. E scénno, ohé! Chi perde ammore va' cercando 'o mare. Campana ca suone 'a copp'a stu cunvento, tu siente ch'ha fatto chella faccia 'e santa. Ajére, 'mbracci'a me, nu svenimento, stasera vasa a n'ato e se n'avanta! Oje, comme sona lenta e triste na zampogna, ca scénne, sciummo, sciummo, sciummo, da 'a muntagna! E ghiammo, ohé! Ll'ammore è sciummo ca se perde a mare, e 'nfunn'ô mare s'arreposa 'o core. Paese addó' só' nato, i' te saluto. Te veco llá 'ncimma, sulo e abbandunato, e 'nfamo, 'nfamo 'e me, mme ne só' ghiuto. Te lasso pecché 'ammore mm'ha lassato! Tu chiagne quase comm'a n'ommo ca se lagna, e i' scénno, sciummo, sciummo, sciummo, da 'a muntagna!. E ghiammo, ohé! Ll'ammore è sciummo ca se perde a mare, e sulo 'o mmare fa' scurda' l'ammore!