Songtext-Koordinaten
EOOriginaltext
Noch keine Übersetzung verfügbar. Der Originaltext wird angezeigt.
haadase kya kya tumhaari beruki se ho gaye
saari duniya ke liye ham ajanabi se ho gaye
kuchh tumhaare gesuon ki barahami ne kar diye
kuchh andhere mere ghar mein roshani se ho gaye
gardish-e-dauraan zamaane ki nazar aankhon ki nind
itane dushman ek rasm-e-dosti se ho gaye
banda parawar khul gaya hai aastaanon ka bharam
ham asir-e-daam-e-gul apani kushi se ho gaye
har qadam ' saagar' nazar aane lagin hain manzilein
marahale ai meri kuchh aawaaragi se ho gaye
Tell A Friend
