লিরিক্স স্থানাঙ্ক
OCমূল লিরিক্স
অনুবাদ এখনো নেই। মূল লিরিক্স দেখানো হচ্ছে।
Tres bigos suu tucon, que pujan dret tau cèu :
Aus lors pès cluca l'uelh la tèrra adromilhosa ;
L'aura, entà la jumpar, ditz sa canta amistosa :
La lua amanta tot d'ua blancor de nèu.
A la frescor deu ser, los harris solament
E peus cassos brostuts, un gahùs, per moment,
Aus fideùs de Cohet que balhan serenadas.
Per'mor qu'ei lo sabbat, per los camins crotzats.
Bathleu qu'arribaràn d'arron los envitats,
A la coda-li-sega, e lhèu quauqu'uns per banda.
Viéner audir lo predic, en tornejan lo hus,
Léger au libe encantat, virat de cuu en sus,
E sus l'arrai de huèc dançar la sarabanda.
Bathleu qu'arribaràn d'arron los envitats,
A la coda-li-sega, e lhèu quauqu'uns per banda.
Viéner audir lo predic, en tornejan lo hus,
E sus l'arrai de huèc dançar la sarabanda.
